TRINTXERPEN EUSKARA IKASTEN

Mintzalagunen goiz pasa

2012-01-29T16:38:00.000+01:00

Miarritzeko Marion lakuaren inguruko ibilaldirik gabe geratu gara gaur mintzalagunok. Ez, ordea, solaserako aukerarik gabe. Eta euria bide osoan lagun izan dugun arren, aterguneren bat edo beste ere izan dugu eta horrekin konforme. Gaurko ibilbidea: Trintxerpetik Zurriolara, handik Paseo Berrira eta hari buelta...eta jakina, hamaiketako sendo-sendoa denok elkarrekin. Blai eginda geundenez, pozik hartu dugu Alde Zaharreko gozotegiak eskaini digun aterpea eta hango mahai luzearen jiran eserita konturatu orduko bi orduko berriketaldia egin dugu. Bazkaritarako garaia ere gertu genuenez, buelta berriro Trintxerpera -eguzki gozo-gozoa lagun honakoan-. Merezi izan du! Eta honela abiatu da XVIII. Kultur Astea.

XVIII. Kultur Astea

2012-01-27T23:13:00.003+01:00

Bi egun barru emango diogu hasiera XVIII. Kultur Asteari. Igandean Mintzalagunen goiz pasarekin hasita, hurrengo larunbateko Santa Ageda bezperako koruak eta ondorengo afari-merienda arte jardueraz bete-betea dator aurten ere pasaitar guztientzat antolatu dugun astea. _______________________________________________ Hemen duzue egitaraua: _______________________________________________ Urtarrilak 29 (igandea) Goizeko 09:30etan mendi-buelta (Mintzalagunekoek bideratuta) _______________________________________________ Urtarrilak 30 (astelehena) Goizeko 10:00etan hitzaldia EMOZIOEN ADIMENA (Karmele Gurrutxaga hizlari) _______________________________________________ Otsailak 1 (asteazkena) Goizeko 10:00etan BERTSOLARI filmaren proiekzioa eta, ondoren, Asier Altunarekin solasaldia. Trintxerpeko Alkateordetzan _______________________________________________ Otsailak 2 (osteguna) Arratsaldeko 17:30ean POESIA-ERREZITALDIA Joan Mari Irigoienen eskutik Arratsaldeko 19:00etan KANTUZ BIZI kantu saioa _______________________________________________ Otsailak 3 (ostirala) Iluntzeko 20:00etan afaria GARTZIATEGI sagardotegian ______________________________________________________________________________ Otsailak 4 (larunbata) Iluntzeko 19:00etan SANTA AGEDAKO KORUAK Gudari plazatik aterako dira, Amets Arzallus eta Sustrai Colina bertsolariekin. Ondoren, afari-merienda ______________________________________________________________________________ (BERTSOLARI filma izan ezik, Kultur Asteko emanaldi guztiak euskaltegian izango dira. Sarrera librea da) ______________________________________________________________________________ Urte hauetan guztietan euskaltegitik pasa zareten ikasleoi eta Pasaiako herritar guztioi Kultur Asteko jardueretan parte hartzeko gonbitea luzatu nahi dizuegu. Zatozte!!!

Sagardotegiko afaria

2012-01-21T20:01:00.000+01:00

Zenbagarren sagardotegia ote dugu? Dagoeneko galdua dugu kontua. Baina aurten ere sagardotegira joateko zitari ez diogu hutsik egin nahi eta otsailaren 3an Astigarragako Gartziategi sagardotegira joango gara afaltzera. Aurrekoetan bezalaxe, joan-etorria autobusez egingo dugu. Izena emateko epea zabalik dagoenez, joateko asmorik baldin baduzu eman izena ahalik eta lasterren. Informazio gehiago euskaltegiko telefono-zenbakian. Anima zaitez eta etorri!!!

Mintzalagunak Miarritzera goaz

2012-01-20T17:41:00.000+01:00

Gure mintzalagunek ez dute berriketarako aukerarik galtzen eta orain ere igande goiz pasa polita antolatu digute. Ikasturte honetan egingo duten bigarrena izango da eta aurrekoan bezalaxe laku bat hartu dute aitzakia, hara joan eta igandeko lehen orduak elkarrekin solasean emateko.Urtarrilaren 29an, hileko azken igandean, izango da zita. Goizeko bederatzietan abiatuko dira euskaltegitik Miarritzera joateko. Hango lakuaren bazterretan bueltaxka eta hamaiketakoa egin, ondoren herrira hurbildu eta bertako kaleetan barrena zokomiran ibili, eta hirurak alderako buelta berriro Trintxerpera.

Auto arazorik ez dugu izango, beraz, oraindik izena eman ez baduzu baina txangoak tentatzen bazaitu, zatoz. Pozik hartuko zaitugu!

Galeseko haurrak euskaraz kantari

2012-01-12T15:00:00.000+01:00

Ideia polita izan du euskaldun honek. Dirudienez, pare bat hilabete eman berri ditu Galeseko Llanfairpwll herriko eskolan praktikak egiten. Eta ikasle izan dituen haurrei agur esateko modu zoragarria topatu du: Ken Zazpi taldearen "Ilargia" abestia irakastea.
Hona hemen lan horren emaitza.

ONGI ETORRI ikasturtearen bigarren txanpara...

2012-01-09T23:59:00.000+01:00

Gaur 2012ko lehen eskola eguna ospatzeko BADOK.INFOra jo dugu abesti bila eta Akelarre taldearekin topo egin dugunez, HOTEL KALIFORNIAn sartu gara beraiekin. Aspalditxoko hotel horretan bezalaxe geure euskaltegian ere gela asko dago eta horietako bat egunero zure zain.

BADOK.INFO web orrian baietz topatu gustuko abestirik!!!

Munduko hizkuntza aniztasuna

2012-01-02T13:02:00.000+01:00

Gure arteko nor ez da ekologista? Nor ez da ahalegintzen bere ingurunea errespetatzen eta zaintzen? Eta hizkuntzen arloan neurri berean ote gara ekologistak?Aukera baduzu, ikus ezazu HITZKUNTZA EKOLOGIAri buruzko bideoa. Agian, zure adiskideren batek ere ikusiko luke, zergatik ez diozu bidaltzen?

Zinema euskaraz on line

2011-12-30T11:33:00.000+01:00

Gabonetako eten honetan ere zure euskara maila hobetzeko eta bide batez ondo pasatzeko modu erraza topatuko duzu Kulturklik.com webgunean. “Zinema Euskaraz” ekimenak 43 film jarri ditu guztion eskura sarean streaming bidez doan ikusteko zuen ordenagailuetan edota internetera konekta daitezkeen telebistetan. Ekimenaren bigarren urtea da hau eta aurten, 13 film berri gehitu dituzte zerrendara: 80 egunean, Arriya, Izarren Argia, Olentzero eta oparien ordua edota Amerikanuak, besteak beste. Filmeak ikusteko aukera Gabonetan bakarrik izango da, urtarrilaren 15a arte, hain zuzen. Zein filme ikusiko duzu gaur arratsaldean? Sartu eta ikusi dituzun aukerak!

Eguberri On!!!

2011-12-24T18:42:00.004+01:00

Gabonetako kantu, doinu eta usainez betetako arratsalde honetan Eguberri Zoriontsua opa dizuegu guztioi. Eta jarraitu kantuan gauean ere EITB-1ko Euskal Kantuen Gaua saiokoekin. Ordu gutxi barru jakingo dugu saio horretan parte hartu zenuten ikasleak zer moduzkoak zareten kantutan...

Euskararen Eguna ospatzen

2011-12-12T23:06:00.000+01:00

Abenduaren 3a larunbata izaki, bezperan, ostiralean, ospatu genuen euskaltegian Euskararen Eguna. Eta nola egin genuen? Bada, euskaldunok ondoen dakigun moduan: aurrena ikasgeletan lan eta lan arituz, hamaiketako goxoa eginez gero, kantutan arituz eta dantza saiotxo bati ere tartea eginez. Irribarreak ezpainetan eta euskara denon ahotan!!! Hara irudi batzuk. (Argazki gehiago ikusi nahi badituzu, jo orrialde honetan bertan eskuineko aldean dagoen ARGAZKIAK atalera. Eta bertan sar zaitez Euskararen Eguna -2011--n

Euskarak 365 egun!

2011-12-08T23:13:00.000+01:00

Trintxerpeko txoko honetatik ere bat egiten dugu Euskarak 365 egun kanpainarekin. Ekimena Berbaro, Plateruenea eta Anboto elkarteena izan da. Baina konpromisoa euskaraz 365 egunez bizi nahi dugun guztiona.

Durangoko azoka

2011-12-07T23:20:00.001+01:00

Igandean hasi zen Durangoko azokaren 46.ekitaldia eta bihar du azken eguna. Hona hemen iruditan gaurko egunak eman duena. çBihar zer izango den jakin nahi baduzu, onena bertara joatea izango dugu, ezta?

you can do it!

2011-12-06T10:37:00.000+01:00

Euskal diasporakoen ondorengoek, gure herritik hain urruti egonda, posible ikusten badute, nola ez dugu ba guk hemen euskaraz komunikatzea eta euskaraz bizitzea lortuko? Ahalegina eskatzen du, badakigu. Baina "you can do it!", ezta?

"Jardin bat zuretzat" Xabier Lete

2011-12-05T23:17:00.000+01:00

Zoragarria!!!!Hona hemen abestia:
Jardin bat zuretzat (Xabier Lete)

Mila esker X. Euzkitzeri ezagutarazteagatik!!!_______________________________________________________________1999 / IX / 25ean Errenterian eman zuen azken kontzertuan abestu zuen Letek. Egunak eta gauak, uda ta negua,etsipen ilunena, zorion ordua,bizitzaren zauriak, helburu galduak,laztanik samurrenak, bide erratuak,elkarren babesean igarotakuak. Egunsentiko ihintza, goizeko loreak,itsasoaren hatsa eta koloreak,urruneko hiriak, lurralde hobeak,musika eder baten azken akordeak,maitasunezko hitzak barruan gordeak. Eskutikan helduta amilduak geraerreka bat bezela menditikan behera,oinazea geurea, geurea plazera,itzal bihurtuko naiz zu galtzen bazera,itzalaren itzala ezereza bera. Mugarik gogorrena, noizbait hil beharra,igaro eta gero munduko zeharra,menta beltxen usaina zure irrifarra,betiko gozatzea nere ametsa da,zeruko jardinetan, zerurikan bada...

munduoro euskaraz

2011-12-05T16:48:00.000+01:00

"Euskara eta kirola egunez egun, kolpez kolpe"

Urtebete joan zela...

2011-12-04T10:16:00.001+01:00

Eta bere omenez Kursaalean ordu gutxi barru egingo den kantaldian Ken Zazpi (Eñaut Elorrieta + Beñat Serna), Pier Paul Berzaitz, Antton Valverde, Erramun Martikorena, Amaia Zubiria, Oskarbi, Niko Etxart, Arantxa Irazusta, Anje Duhalde, Petti, Bernardo Atxaga eta Paco Ibáñez izango ditugu besteen artean.

Baita musikariok ere: Karlos Gimenez (pianoa, teklatua), Joxan Goikotxea (eskusoinua), Xanet Arozena (gitarrak), Txema Garcés (baxua), Francisco Herrero (biolina), Luis Fernández
(biolontxeloa).

Zorionak euskararen egunean!!!

2011-12-03T12:34:00.003+01:00

Euskaraz bizitzeko gogoz zabiltzaten guztioi ZORIONAK!!! Ondo ospatu abenduaren 3a!!!
Hementxe uzten dizkizuegu atzo gauean Atano III.ean euskararen alde egin zen pilota-jaialdi bikainaren irudiak.

Guk euskaraz

2011-12-01T23:02:00.001+01:00

Euskararen jatorria: enigma europar bat

2011-11-29T00:16:00.005+01:00

Untitled from H. Etxeberria on Vimeo.

Nondik dator Euskara? Noiztik hitz egiten da euskaraz?
Hasier Etxeberria erantzuna ematen saiatu da gaur gauean -22:30ean- estreinatuko den dokumentalean.
Ez galdu... 'Euskararen jatorria: Enigma europar bat'

Hainbat eta hainbat ekintza euskararen astean.

Pilota partida BIKAINA!

2011-11-24T12:44:00.009+01:00

Aurten ere ikuskizunez eta jarduerez bete-betea dator Euskararen Eguna. Eta agenda horren barruan, abenduaren 2an, eskupilota jaialdi bikaina antolatu dute Donostiako Atano III.ean. Gaueko 10:15ean hasita, Xala-Laskurain Bengoetxea-Barriolaren aurka ikusteko aukera izango dugu.
Lagun talde polita joango gara euskaltegitik.
Animatuko al zara zeu ere??? Zatoz gurekin!!!

_______________________________________________________________

Pilotakadarik handiena euskararentzat izango da!!!

_______________________________________________________________

Sarrerak dohainik izango dira. Zeure kontura joan nahi baduzu, idatzi larunbata baino lehen honako helbidera: tururdan@yahoo.es eta bertan lortuko dituzu sarrerak.

Zeinek dantzatu horrela...

2011-11-22T22:17:00.001+01:00

Hara ze grabazio polita...

Murmuration from Sophie Windsor Clive on Vimeo.

Euskara hain txikia eta hain handia!!!

2011-11-22T12:36:00.001+01:00

Bideo lan honetan euskarak denboran zehar egin duen bidaia, bere historia eta bilakaera azaltzen dizkigute. Ikus ezazu!

Bertsoa.com

2011-11-21T15:10:00.003+01:00

Sustrai Colina
Aitor Sarriegi
Jon Maia
Uxue Alberdi

bertsolariak ikusiko ditugu hurrengo bideoan. Donostian, Antiguoko Lugaritz aretoan 2011-11-11n egindako jaialdikoak dira irudiak. Josu Goikoetxea aritu zen gaiak jartzen.

Gartxot filmea zinemalekuetan

2011-11-19T20:53:00.003+01:00

Gartxot trailerra from Somuga on Vimeo.

Itzaltzuko bardoaren filmea iritsi da gure zinemalekuetara.

Antiguo Berrin euskara hutsean ikus genezke, honako egun eta orduetan:
Larunbatean eta igandean: 17:00etan eta 19:00etan
Astelehenetik ostegunera: 17:00etan eta 18:45ean

Astelehenean ikuslearen eguna

20.270 haur bertsotan

2011-11-15T14:47:00.004+01:00

Bertsozale Elkartearen eskutik, aurtengo ikasturtean 20.270 haurrek landuko dituzte bertsoak eskoletan.
Hona hemen albistea

Euskara: enigma europarra

2011-11-13T22:40:00.003+01:00

Egun hauetan amaitzen ari dira EUSKARA: ENIGMA EUROPARRA izeneko dokumentala. Euskararen jatorriaren eta ahaideen inguruan dauden teorien inguruko ordubeteko dokumentala da.
Abenduaren 3an, Euskararen Egunean, ikusi ahal izango dugu ETBren pantailan.

KAXARRANKA Guggenheim Museoan from H. Etxeberria on Vimeo.

"Apaizac Obeto" dokumentala gaur ETB1n

2011-11-08T14:13:00.004+01:00

Garai bateko baleazaleen antzera orain dela bost urte Albaola elkarteko sei kidek egindako espedizioaren berri izango dugu dokumentalean.

Hona hemen albistea osorik.

Udazkeneko barnetegia

2011-11-07T17:11:00.003+01:00

Asteburu oso-osoa euskaraz eman nahi al duzu??? Eta lagun arte ederrean leku berriak ezagutu? Udazkeneko barnetegian horixe egiteko aukera izango duzu. Azaroaren 18tik 20ra bitartean Tolosako Zuloaga Txiki aterpetxean izango da ikasturte honetako lehen barnetegia.

Zenbatean aterako den? Hirurogei eurotan. A ze nolako mauka!!!

Izena emateko deitu euskaltegira ala jakinarazi zeure irakasleari. Argi ibili izena emateko azken egun azaroaren 14a duzu-eta.

Gaur bezalaxe, abenduaren 3an ere euskararen eguna

2011-11-07T15:48:00.003+01:00

Orain egun gutxi, gazteen artean euskararen erabilpena sustatzeko kanpaina jarri du abian Donostiako Euskararen Udal Patronatuak.
Euskara Iruditan ekimena kanpaina horren baitan dago. Webgune horren bidez Euskara Iruditan izeneko irudi mosaiko erraldoia eraiki nahi dute izen bereko atalean. Euskarak historian, norberaren bizipenean, hirian, gizartean… izan duen eta duen presentzia iruditan jasotzen ari dira. Zeuk ere egitasmoan parte hartu nahi al duzu? Nola? Honela

Euskararen Ginkana.net

2011-11-02T23:07:00.006+01:00

BIHAR HASIKO DA Euskararen Ginkana.
Euskararen Ginkana euskaraz eta euskararekin ongi pasatzeko lehiaketa da. Eta bide batez sari bikainak irabazteko aukera paregabea ere bai. Euskararen Ginkanaren lehen fasea azaroaren 3an abiatu eta azaroaren 30an eguerdiko 12etan amaituko da.
Astero argitaratuko diren probak eta asmatu beharreko galderak, euskaraz izateaz gain, euskararekin lotuak izango dira. Puntu gehien dituzten 10 lehiakideak abenduaren 3an Euskararen Nazioarteko Egunean Donostian ospatuko den finalerako sailkatuko dira.

Hona hemen informazio zabalagoa. Zorte on!

Gure sustraiak lurrari lotuz bertatikan irautea...

2011-11-01T11:20:00.002+01:00

Gure artetik joan zaizkigunak gogoan ditugun egun honetarako aproposa iruditu zaigu Xabier Leteren kanta.

Aditzarekin jolastu nahi?

2011-10-24T14:40:00.006+01:00

Sar zaitez hemen:
Aditzak.com
Euskal Aditza jokatzeko tresna

Mintzalagunak Lizarrustitik gora

2011-10-23T21:00:00.006+01:00

Haizea lagun izan dugu Lizarrustitik Lareorako bidean, zakar eta harro-harro momentu batzuetan! Hala ere, disfrutatzeko moduko parajeetan barrena egin dugu gaurko txangoa, eta inolako zalantzarik gabe horixe egin dugu: gozatu ederra hartu. Hizketarako tarterik ere ez dugu galdu, ezta?
Hurrengo urtegia urtarrilaren amaieran, mintzalagunak!

Hona Hona hemen Ainhoak eta Joxeanek ateratako argazkiak.

Bertan goxo, bertan goxo...

2011-10-22T15:07:00.027+01:00

Hasi dugu ikasturtea eta kultur-txapelketa aitzaki hartuta, hamaiketako ederra egin genuen ostegunean! ARGAZKI GUZTI-GUZTIAK IKUSTEKO SAR ZAITEZ HEMEN!

Mintzalagunak Lareo urtegira doaz igandean!

2011-10-17T14:10:00.004+01:00

Udal Euskaltegiko mintzalagunen taldeak datorren igandean egingo du 2011-2012 ikastuteko lehen irtenaldia. Paraje haietan ibiltzeko udazkena garai aproposa irudituta, Lareo urtegia aukeratu dute lehen txango honetarako. Trintxerpetik Lizarrustiraino autoz joan ondoren, handik urtegirainoko bidea tapa-tapa egingo dute mintzalagunek.

Ez ezazu beste planik egin urriaren 23rako, eta zatoz gurekin igande goiza euskara hutsean ematera!!!

Izena emateko azken eguna urriaren 20a izango da.

IRTEERA LEKUA eta ORDUA: Euskaltegian goizeko 9:00etan

"Bertsolari" filma zinema aretoetan

2011-10-13T21:53:00.003+01:00

Asier Altunak zuzendutako dokumentala dugu "Bertsolari", eta bihartik aurrera zinema aretoetan ikusi ahal izango dugu. Bertsolaritzari buruz euskaraz grabatutako lan honetan, besteak beste, Miren Amuriza, Jon Sarasua, Maialen Lujanbio, Andoni Egaña eta Ametsa Arzallus bertsolariek hartu dute parte.

Mintzalagunak

2011-10-12T11:32:00.006+01:00

2011-2012 ikasturteari hasera emateko, eta aurtengo mintzalagunen taldeak elkar ezagutzeko datorren ostiralean, hilak 14, bilera izango dugu iluntzeko 19:00etan. Bertan erabakiko ditugu urrian hasi eta ekaina bitartean egingo ditugun irteerak ere. Garrantzizkoa da, beraz, ahalik eta mintzalagun gehien bertaratzea.
Bileraren ondoren mokadutxoa egiteko aukera ere izango dugu. Ez hutsik egin eta datorren ostirala arte!

Hemen utziko ditugu bileran ateratako argazki batzuk. Mila esker berriro ere, Ainhoa!!!

Zinemarako proposamena

2011-10-07T14:11:00.006+01:00

Eguzkirik apenas izango dugun asteburuan zinemara joatekotan bazabiltza, hementxe proposamena: Telmo Esnalen "Urte Berri On, amona!". Hara zer dioen filmeaz Asier Altunak.

Donostiako zinema-aretoak eta ordutegiak:

Antiguo berri:
Urriaren 8, 9 eta 12an : 16:45 / 18:45 / 20:45 / 22:45
Urriaren 10, 11 eta 13an : 17:15 / 20:00 / 22:30

Principe:
Urriaren 7tik 13ra bitartean : 17:15 / 19:30 / 22:00

Klik bat eginda AURRERA GOAZ!!!

2011-09-30T13:23:00.004+01:00

Datorren igandean, urriak 2, KILOMETROAK ditugu Azpeitian. Hantxe ikusiko dugu elkar, lagun!

Hizkuntzarik onena hitz egiten dena...

2011-2012ko mintzalagunak, bagoaz!!!

2011-09-23T19:22:00.003+01:00

Ikasturte berria abiatzearekin batera, Pasaiako mintzalagunak ere berriro elkartzen hastekoak gara. Aurreko urteetako lagunez gain, ikasle berri mordoska espero dugu aurten. Lehengoek eta berriek, jakizue, izena emateko epea zabalik dagoela dagoeneko. Betiko eran, bikote/hirukoteak eratu ondoren, ikasturteko irteera, txango eta bisitaldien plangintza egingo dugu eta mingainak astintzen hasiko gara.
Animatzen?

Dena prest!!

2011-09-19T11:46:00.006+01:00

Gaur Ane Olkotzi, euskaltegiko zuzendariari, egindako elkarrizketa bat ekarriko dugu txoko honetara. Kazetariak galdetuta, euskaltegiaren egunerokoa, ikasle tipologia, Pasaia, gai asko izan ditu hizpide.

Hementxe duzue erreportajea. Irakurketa on!!!

Eman al duzu izena?

2011-09-15T10:11:00.003+01:00

Berehala izango dugu martxan 2011-2012 ikasturtea. Aurreko urteetako ikasleak eta berriak izango ditugunak ari dira euskaltegira hurbiltzen eta ikasturte berrirako izena ematen.

Mailakatze-frogak datorren astean izango direnez, oraindik izenik eman ez baduzu zatoz lehenbailehen!

Ongi etorri!!!

2011-09-05T16:33:00.003+01:00

MATRIKULA ZALABIK

2011-2012 ikasturtean euskara Pasaiako Udal Euskaltegian ikasi nahi baldin baduzu, zatoz egun hauetan euskaltegira eta egizu matrikula. Irailaren 17ra arte aukera izango duzu izena emateko.
Euskara ikasi edota hobetu nahi duzula? HABEko hizkuntza-eskakizunen bat lortu nahi duzula eta denboraz juxtu zabiltzala? Gogoan izan, gure euskaltegiak BOGA programaren bidez ere eskolak eskaintzen dizkizula.

Informazio zabalagoa: 943004340 telefonoan edota hemen

Zarautzen balea agertu zenekoa...

2011-08-30T07:57:00.002+01:00

Ikuskizun aparta, ez egunerokoa behintzat, joan den ostiralean Zarauzko hondartzan izan zutena. Ikerlarientzako egundoko altxorra!

'Bi anai'

2011-08-26T22:32:00.001+01:00

Aurtengo Zinemaldian Atxagaren eleberrian oinarritutako "Bi anai" filmak zabalduko du Zinemira saila.
Zinemira Euskal Herrian ekoitzitako filmeei eskainitako atala da eta aurten zazpi pelikula emango dituzte bertan. Horietatik hiru estreinaldiak izango dira.

Hara nola dakarren Berriak albistea.

Emaitza ONAK!!!

2011-07-13T09:50:00.003+01:00

HABEko aurtengo lehen deialdian idatzizko proba gainditu zenuten GUZTI-GUZTIEK gainditu duzue orain ahozkoa. Pozik egoteko moduko albistea dugu, ezta?
ZORIONAK denei. Baina badakizue titulua papertxo bat besterik ez da... hizkuntzak berak emango dizue satisfaziorik handienaaaaaaa!!! Jarraitu euskaraz aritzeko espazioak eta momentuak bilatzeeeennnn!!!

Jarraitu ikasten. Baita udan ere!

2011-07-08T21:51:00.002+01:00

Kaixo,
Zer? Oporretan opor?
Agian, euskaltegirik gabe honezkero aspertzen hasita egongo zarela pentsatu dugu. Bai? Hala al da? Ez genuke horrelakorik nahi. Ez horixe! Eta udako egun luze hauetan euskararekin jarraitzeko modua izan dezazun, ariketa bilduma ederra eskaini nahi dizugu.
Hemen duzu aste hauetarako lantxoa: UDAKO ARIKETAK
Ea zer iruditzen zaizun.

Sartu, begiratu eta atsegin baduzu... egin ariketak eta JARRAITU IKASTEN!!!

Ondo izan eta hurrengorarte.

Donostia 2016

2011-06-28T19:12:00.003+01:00

2011ko ekainaren 28, asteartea. Arratsaldeko 4:35
Bazegoen jakin mina eta argitu da! Donostia Europako kultur hiriburu izango da 2016an.
Gure euskara kanpoan entzuten hasiko da agian; ea bost urteotan etxe aldean ere indarberritzen zaigun!!!

Nola jaso dute herritarrek Donostiaren izendapena? ">Entzun.

Udako oporraaaaaaaak!!

2011-06-23T16:19:00.005+01:00

"San Juan, San Juan,
beti zaitut gogoan,
aita San Juan,
beti zaitut gogoan.
Arrautza bi kolkoan,
beste bi altzoan,
artoak eta gariak gorde gorde,
...lapurrak eta sorginak erre erre."

"Sañoan, Sañoan gaur dala
Bier dala Donione,
etzi San Joan-biramune.
Gure soloan lapurrik es;
badagos bere, erre beites.
Artoak eta gariek gorde,
siraunek eta sapoak eta subeak
eta pisti gustiek erre."

Hizkuntzen estandarizazioa. Euskarak egin duen bidea.

2011-06-22T18:49:00.001+01:00

Untitled from Garabide on Vimeo.

Santa Klara uhartea

2011-06-22T17:06:00.005+01:00

KRESALA saioan topatu dugu honako bideoa. Hara zenbat kontu dakien Peter Ansorenak Santa Klara irlari buruz!
Kontu asko eta denak politak...
Ikustazue:

Araba Euskaraz

2011-06-16T14:09:00.001+01:00

Datorren igandean, ekainaren 19an, Araba euskaraz, Laudion. Joateko asmorik bai???

Guztiok gara EUSKALDUN,
guztiok anai-arrebak gara
nahiz eta hitzez berdin ez
bat bera dugu EUSKARA

Txangorik ez

2011-06-06T20:13:00.000+01:00

Autobusa osatzeko behar adina lagunek izena eman ez dutenez, bertan behera geratu da ekainaren 12an egin nahi genuen txangoa. Arantzazu-Arrikrutz-Oñati datorren ikasturterako utzi beharko ditugu. Ea orduan, indarberrituta, autobus bakarra ez eta bi betetzen ditugun, lagunak!!!

Kobazuloak ezagutzeko hainbesteko gogoa zenutenontzat, hona bideoa:

Kantujira bikain joan da!

2011-06-04T14:16:00.002+01:00

Asko izan dira kantatu ditugunak, betikoak..., ezagun-ezagunak gehienak; baina honako abesti honek denok bat egiten gintuela sentitu dugu.

ABERRIAREN MUGAK
hitzak: Joserra Gartzia
musika: Txomin Artola

Nire aberria lurra bezain zaharra da
baina ez da lurra bakarrik
haizeak bezala inguratzen nau eta
lotzen askatzen nauelarik.

Nire aberria suaren antzekoa da
beti bera, berria beti
epeltzen nau kanpoan hotz dagoenean
ta erretzen ere badaki.

Aberriaren mugak, euskararenak,
gure baitan daude gehienak
euskara zabalduaz lau haizeetara
zabalago egiten gara...

Kantujira Trintxerpen

2011-05-31T14:41:00.005+01:00

Musikaz Blai 2011-ren barne, Pasaiako Musika Eskolak Trintxerpeko lehen KANTUJIRA antolatu du larunbat honetarako. Ekainaren 4an, hortaz, har dezagun euskaltegikook ere parte eguerdiko 12:00etan hasita kalez kale ibiliko den KANTUJIRAN.

Hemen informazio gehiago

Asteburuko barnetegia

2011-05-18T19:14:00.009+01:00

Kaixo,
Zer lagunak, den-dena prest asteburua euskara hutsean emateko??? Gogoan izan beharreko bakarra, ostiral arratsaldean, 19:30ean euskaltegiko atarian egingo dugula topo. Ekarri beharrekoak: umore ona eta euskaraz aritzeko gogo bizi-bizia.
Ostiral arteeeeee!

A R G A Z K I A K !!!

"Bidaia intimoak"

2011-05-16T14:04:00.003+01:00

Bidaia intimoak from argia on Vimeo.

Hortxe dugu Jon Maiak eta Eriz Zapirainek egindako lana. Euskara ikasi ondoren nola aldatu den lau lagunen bizimodua azalduko digu dokumentalak. Ikus ezazue "Bidaia Intimoak".

ZORTE ON guztioi!

2011-05-14T10:48:00.003+01:00

Gaur, maiatzak 14, egun zaila dute gure ikasleek. Honezkero lehen mailakoek bukatuko zuten azterketa eta lanean hasi berriak izango dira bigarren mailakoak. Arraltsaldean dutenak ere ez dira, noski, askoz lasaiago ibiliko ordu hauetan.

Guzti-guztiei ZORTE ON-ONA opa diegu. Ea lagunak, erakutsi zenbat lan egin duzuen atzeko hilabete eta urteetan. Aurrera!

Joxe Manuel Odriozolaren "Estatu etnozidaren kontra" liburuaren aurkezpena

2011-05-12T15:26:00.001+01:00

Atzo, maiatzak 11, bere azken lana aurkeztu zuen euskaltegian lankide dugun J.M. Odriozolak. Hala dio idazleak bere azken lanaren hitzaurrean:

" Munduko hizkuntzen mosaiko nabarra errotik pitzatuta dago, baina horrek ez gintuzke etsi-behar gogorrak jota utzi behar. Horregatik, nahiz eta munduko hizkuntz puzzlearen atal gehienak galzorian egon, salba ditzagun batzuk bederen zulo beltzen erauzpenetik. Mundua ikusteko eta gozatzeko modu ederragoa baita ñabarduraz jantzitakoa, totalitarismoaren ispiluan islatutakoa baino. Aniztasunak ederragotu egiten gaitu, murriztasunak itsusiagotu "

" Ez dago jarduera politiko eta ekonomikorik hizkuntza eta identitaterik gabe "

Mintzalagunak Mirandaolan

2011-05-08T20:26:00.007+01:00

Mintzalagunok uste ez bezala hasi dugu eguna, eta goiz ibili bagara ere, trenak ez gaitu Legazpiraino eraman nahi izan. Eskerrak Zumarragako portugaldar argi hark eskaini digun gosariak eta herriko bandaren doinu alaiek indarberritu gaituzten Mirandaolaraino joateko. Pozik egin dugu harunzko bidea kontu eta kontu, baina gure zain zeudenak berandetsita harrapatu ditugu... olagizonak zain zeuden gu noiz iritsiko haien azken saioa eskaintzeko.

Heldu gara azkenik, eta bai haiek lan egin ere!!! Mendeetan egin dugu atzera orduan eta zakuzko jantzien eta kapela marraoi zabalen azpiko gizasemeek aurreko belaunaldiengandik jasotako trebezia erakutsi digute... Kinki-kanka, kinki-kanka burdin zati aldrebesetik ezpata izan zitekeen forma zuzen landua atera dute...

Ola zaharraren iluntasunetik zelai berdeen argitasunera, talo usainera, umeen joan etorrietara eta Gozategitarren doinuetara egin dugu salto gero. Bizi-bizi eta alai topatu ditugu Mirandaolako jendeak eta bazterrak.

Zorionak legazpiarrei halako ohiturari eusten asmatu dutelako!!! Bejondeiela haiei, eta bizi gaitezela gu beste urteren batean ere Santakrutzetako erromeria egunean han izateko!

Hona maiatzaren 8ko argazki batzuk

20.000 urteko hizkuntza da gurea

2011-05-06T19:54:00.001+01:00

Duo, dous, dau, deux, due, doua, du, dos, esaten dute inguruko hizkuntzetan eta bi esaten dugu guk geurean.
Haiek zortzi mila urteko tradizioa, gure hizkuntzak 20.000 urtekoa bai.

Eskerrik asko, AMA!

2011-05-01T11:36:00.002+01:00

"Sarri esan dit nere fansetan handiena bera dena,
baina ez daki ni neu naizela bera miresten duena."

"Segundu batez pentsatuz gero ni epaile bat naizela,
euren buruan jarriko nuke Euskal Herriko Txapela."

"Etxe barruko lamia eta inguruetako dama,
bihar goizean hurbil zaitezte goxo-goxo beragana
ta esaiozue orain artean lotsaz gordetako dana:
eskerrik asko guztiagatik, asko maite zaitut ama!"

Santikutz jaietara, Legazpira...

2011-05-01T09:58:00.006+01:00

Maiatzaren 8an, MINTZALAGUNek ikasturteko laugarren irteera izango dute. Oraingoan Legazpi aldera joango dira, Santikutz jaien barne, Mirandaolako burdinolaren inguruan ospatuko den jai-egunean murgiltzera.
Goiz horretan olagizonei ongi etorria egin eta ezpata dantzaren ondoren, eguerdiko 12:00etan ola martxan jarriko da eta ondoren etorriko dira bertsolariak, antzerkia, dantzari txikiak, trikitilari eta txistulariak, herri bazkaria, erromeria…
Hona hemen egitaraua

Gurekin etorri nahi baduzu:
MAIATZAREN 8an, HERRERAko TREN GELTOKIAN, GOIZEKO 9:00etan.

"Wichita" galtzeko zorian...

2011-04-23T09:47:00.001+01:00

Wichita hizkuntzaren azken hiztuna Al Jazeerak egindako bideo honetan, Wichita hizkuntzan hezi zen azken emakumearen testigantza jasotzen da. Bideoa 'iratisarasua' erabiltzaileak itzuli du euskarara.

Oharra: Euskarazko azpitituluekin ikusteko, irudiaren azpian 'Basque' jarri behar du. Jarriko ez balu, 'Choose languaje' dagoen lekuan klik egin eta 'Basque' hautatu.

Bihotzez ta gogoz

2011-04-23T09:36:00.001+01:00

Nihaurek ere nik konprenitzen ditut bi mintzaira arrotz,
mintzatu ere egiten ditut behartua naizen oroz;
horiek hola ni euskarari nago bihotzez ta gogoz,
ez ederrarengatik bakarrik, baina gurea delakotz.
(Xalbador)
...eta geurea euskararen herria, Euskal Herria!

ARALAR

2011-04-22T10:29:00.002+01:00

Egunotan kanpora irten gabe geratu zaretenontzat, hau ere plan polita izan liteke: ARALAR parke naturala.

Ibilalditxoa opor egunetarako...

2011-04-19T21:31:00.001+01:00

Debatik Zumaiara flysch-aren bidetik.

Igandean Boulevard-ean dugu hitzordua.

2011-04-14T15:18:00.005+01:00

Euskarazalea eta gaztea zarela??? Hitzordua dugu orduan datorren igandean goizeko 11:00etan Donostiako Boulevard-ean.
KILOMETROAK 17-ri amaiera emateko, Gaztezulokoek eta Donostiako Piratek kilometro bat erosi dute, GAZTEEN KILOMETROA, eta jende gaztea eurekin nahi dute kooooorrika.
Hara hemen gonbitea:

Korrika 17ren kanta - Euskalakari - Gose (time lapse in Zurriola)

2011-04-10T21:04:00.003+01:00

Prest al zaudete??? 52 ordu barru iritsiko zaiguuuuu!

PAUSOZ PAUSO, GELDITU BARIK
PAUSOZ PAUSO, MAITATU, ARI…
PAUSOZ PAUSO, EUSKALAKARI!

17. KORRIKA

2011-04-07T11:25:00.010+01:00

Gaur abiatu da 17.KORRIKA eta datorren astean izango dugu hemen, Pasaian. Apirilaren 13an, goizaldeko 02:00ak aldera, iritsiko da Donibanera eta lekukoa san pedrokoek hartu ondoren, 02:12ak aldera euskaltegi parean izango ditugu korrikalariak. 17.KORRIKA honetan Maite Aizpuruak hartuko du euskararen lekukoa gure euskaltegiaren izenean.

Hona, zehaz-mehatz, ibilbideari eta orduari buruzko haibat xehetasun:

01:56 - Sanjuandarrek lekukoa hartuko dute
02:12 - Sanpedrotarren eskutara pasako da lekukoa eta haiek ekarriko digute euskaltegiraino.

Euskaltegitik, Trintxerpe zeharkatu eta Kontadoreetara joango dira korrikalariak, handik Buenavistara eta 02:30ean Antxon sartuko da KORRIKA. Hortik Orereta alderako bideari ekingo dio...

Ehun ta ehun, berrehun! Aupa euskara eta aupa KORRIKA!!!

Udaberriko Barnetegira etorri nahi?

2011-04-01T16:35:00.007+01:00

Euskaltegian egun hauetan zabaldu dugu udaberriko barnetegirako izena emateko epea. Barnetegia maiatzaren 20, 21 eta 22an izango da -ostiraletik igandera-, eta oraingoan Zarautz aldera joatekoak gara.

NORENTZAT: Komunikatzeko maila nahikoa duten ikasleentzat.
PREZIOA: 75 € (egona, otorduak, kanpo-ekintzak...)
IZENA EMATEKO EPEA: Apirilaren 15 arte (izena ematearekin batera 25 € ordaindu behar dira)

MINTZAPRAKTIKA EGITEKO BEHARRA BADUZU, ZATOZ IKASTURTE HONETAKO AZKEN BARNETEGIRA.
Primeran ibiliko gara!!!

Matrikula-epea ZABALIK

2011-03-30T16:25:00.003+01:00

2011ko lehen deialdia: matrikula-epea zabalik

Gaur hasita apirilaren 7ra arte zabalik dago HABEren 1.,2. eta 3. mailetako AZTERKETA-DEIALDIrako matrikula egiteko epea.

Izena ematea internet bidez egin behar duzue. Horretarako sar zaitezte HABE atarian, hona hemen helbidea.

Udaberri doinua

2011-03-26T17:15:00.000+01:00

Negua joan da ta... ZEA MAYS.

Azken txanpa

2011-03-20T19:06:00.002+01:00

Nola doazen asteak eta hilabeteak, lagunak!!! Irailean hasitako ikasturtea azken txanpan sartuko zaigu berehala. Dagoeneko bigarren ebaluazioa egina, alajaina!
Euskaltegira ekarri gaituen helbururik sendoena euskaraz mintzatzea eta gero eta errazago komunikatzea denez, ez dezagun iparra galdu ta egin dezagun egunero euskaraz SUABE, SUABE...

Mintzalagunak iñauterietan

2011-03-07T20:18:00.021+01:00

Euskaltegiko mintzalagunen taldekoek iñauterien herrian egin zuten zita atzokoan. Giro aparta izan zen Tolosan, eta taldekideen artekoa ere ez zen baaatereee kaxkarra izan. Ez alajaina!!!

Argazkiak jaso ahala joango gara hona igotzen...

2011-03-05T17:07:00.000+01:00

Ondo-ondo pasa iñauterietaaaaaaaann!!!!

Zinemara goaz

2011-03-02T20:51:00.003+01:00

Datozen egunotan iñauteriak behar bezala ospatu ondoren, datorren asteazkenean, goiz-goiz, Errenteriara hurbilduko gara hauetako filme bat ikustera. 30 film euskaraz

Zatozte gurekin eta jakingo duzue zein den filme hori.

Iñauterietan nora? Tolosara, jakina!

2011-02-26T11:46:00.006+01:00

Euskaltegiko MINTZALAGUNAK berehala dute hurrengo irteera. Oraingoan Tolosa aldera joatekoak dira, noiz eta iñauterietako igandean. Zeuk ere festa eta euskara giroan ibili nahi baduzu egun horretan, zatoz martxoaren 6an Tolosara.

Irteera ordua: Herrerako tren geltokian goizeko 9:30ean
Gosari bikaina: Tolosara iritsi bezain laster.
Hortik aurrera: Tolosako herriak eskaintzen diguna...

-------------------------------------------------------------------------------------
EGITARAUA
8:00 - Diana
8:45 - Txistulariak
10:00 - Txarangak irtengo dira
10:30 - Sokamuturra
11:00 - Karrozen eta konpartsen irteera
15:45 - Txistulariak
16:00 - Kalejira
16:30 - Zezenak
19:00 - Dantza saioa
23:30 - Oriako txaranga eta Jones Brothers
-------------------------------------------------------------------------------------

Hamazazpigarrena iruditan: Kultur Txapelketa

2011-02-18T17:39:00.008+01:00

Kultur asteko argazki gehiago ikusi nahi dituzula? Sartu, ba,
hemen

Hamazazpigarrena iruditan: Santa Ageda bezperako koplak

2011-02-18T17:20:00.004+01:00

Lurralde debekatua

2011-02-12T11:19:00.003+01:00

Gaur gaueko 22:30ean Donostiako Principe 8 aretoan, "Lurralde debekatua" filma euskaraz estreinatuko dute.
Harrison Ford, Ray Liotta eta Ashley Judd dira filmaren protagonistak.

Hamazazpigarrena iruditan: Petra Elser gurean

2011-02-05T17:16:00.005+01:00

Hamazazpigarrena iruditan : World kafe saioa

2011-02-05T17:07:00.004+01:00

Hamazazpigarrena iruditan: J. Antxustegietxarte

2011-02-05T16:55:00.004+01:00

Hamazazpigarrena iruditan: mintzalagunak

2011-02-05T16:29:00.004+01:00

Hamazazpigarrena iruditan : sagardotegia

2011-02-05T15:29:00.019+01:00

Santa Ageda bezpera degu...

2011-02-04T17:16:00.003+01:00

Bi ordu barru kantari ibiliko gara Trintxerpen barrena. Gurekin izango dira musika eskolako trikitilariak eta txistulariak. Baita helduen abesbatza ere. Bertsolaiak ere ez ditugu nolanahikoak, Amets eta Sustrai etorriko baitzaizkigu kopla eta kopla artean bertsoak eskaintzera.

Hona egun honetan kantatu beharreko koplak.

Zorion, etxe hontako denoi!
Oles egitera gatoz,
aterik ate ohitura zaharra
aurten berritzeko asmoz.
Ez gaude oso aberats diruz,
ezta ere oinetakoz.
Baina eztarriz sano gabiltza,
ta kanta nahi degu gogoz.

XVII. Kultur Astea

2011-01-30T19:28:00.005+01:00

Herenegun Gartziategi sagardotegian eman genion hasiera XVII. Kultur Asteari. Datorren ostirala bitartean erreskan etorriko zaizkigu gainerako irteera, hitzaldi, solasaldi eta abarrak ere. Otsailaren 4ra bitartean, gainera, ikasle ditugun lau artista gazteren lanekin osaturiko erakusketa ere izango da euskaltegian.

Hauxe dugu aurtengo egitaraua:

Zatoz euskaltegira eta har ezazu parte antolatu ditugun jardueretan!!!

Igande goiz pasa

2011-01-26T18:48:00.007+01:00

Mintzalagunok mendiko asmoak alde batera uztea erabaki dugu. Datozen egunetarako agindutako eguraldia kontuan, urtarrilaren 31n Urdaburura egiteko genuen igoera bertan behera utzi dugu. Horren ordez, gosaria eta bisitaldia izango dira.
Hara zertan geratu garen: goizeko bederatzi eta erdietan euskaltegian elkartu eta ttapa-ttapa Donostiara aurrena, han denok elkarrekin gosari ederra egin eta aspaldiko partez askorentzat, gora, Urgullera igoko gara... Bertan dago Historiaren Etxea eta haraxe egingo dugu sartu-ateratxoa.

Haurrak hartuta erraz-erraz egin litekeen plana denez, anima zaitezte aita-amok ere eta egin dezagun beste behin ere igande goiz pasa euskaraz eta elkarrekin.

Azkenean, haurrik ez zaigu etorri, baina gu haurrak bezain ondo ibili gara. Hemen pare bat argazki...

Mintzalagunak mendira

2011-01-22T11:33:00.003+01:00

Urtarrilaren 30erako mendi-irteera polita antolatu dute gure euskaltegiko mintzalagunek. Ikasturte honetako bigarrena izango den honetan URDABURU dute jomuga.
Eguraldia lagun, Susperregitik abiatuta tontorreraino igotzekoak dira mintzalagunak. Dena den, eguna iritsi eta giro txarrak besterik agintzen badu, isilean gorde duten bigarren planari helduko omen diote...

Igande goiz hori euskara hutsean pasa nahi baduzu, anima zaitez eta etorri. Izango duzu txoko bat mintzalagunen artean.

Izena emateko azken eguna: urtarrilaren 27

Afaria dugu sagardotegian

2011-01-18T22:03:00.003+01:00

Beste behin ere iritsi da sagardo denboraldia eta euskaltegikook ere urteroko ohiturari jarraiki, sagardotegirako bidea hartuko dugu. Aurtengo afaria urtarrilaren 28an izango dugu. Aurrekoetan bezalaxe, Gartziategi sagardotegian bilduko gara oraingoan ere.
Izena emateko dei ezazue euskaltegira eta autobusean joan nahi baduzue hartu lekua lehenbailehen.
txoooooooooooooooooooooooooooooooooooooooootx!!!

Arrikrutz - Oñatiko kobak

2011-01-11T18:50:00.002+01:00

Estreinatu berri dugun urtean ere euskaltegiko mintzalagunak euren irteerekin jarraitzeko asmotan dira, eta dagoeneko pentsatzen hasiak dira urtero egin ohi duten egun osoko txangoan nora joan.
Agian, Arrikrutzeko kobazuloak ezagutzera joatea izan liteke aukera bat.

Zer iruditzen??

EGA deialdi irekia

2011-01-11T16:22:00.003+01:00

2011ko EGA deialdi irekian parte hartu nahi baduzu, urtarrilaren 10etik 19ra zabalik duzu izena emateko epea.

Hona hemen azterketari buruzko informazioa.

Interesaturik bazaude, erraz-erraz matrikula on-line egin dezakezu.

2011ko EGA azterketa

2011-01-08T19:45:00.000+01:00

Eusko Jaurlaritzako Hezkuntza Sailak argitara eman du 2011. urteko Euskararen Gaitasun Agiriaren (EGAren) azterketa-eredua finkatzen duen agindua.
Hona azterketaren banaketa:

•EGA azterketak hiru fase ditu : atariko proba, proba idatzia, eta ahozko proba.
•1.-Atariko proba: aukera anitzeko test bat da, 85 item dituena eta gainditzeko 60 erantzun zuzen lortu behar dira. Gainditu dutenen kopurua aurkeztutakoen % 50era iristen ez bada, azterketari onartuen multzoa zabaldu egingo da.
•2.-Proba idatzia: bi ataletan egiten da eta sei ariketa ditu.
◦Lehenengo atala: elkarrizketa-testua, irakurriaren ulermena eta Lexikoa.
◦Bigarren atala: idazlan luzea, idazlan laburra eta esaldiak berridaztea.
◦Bi atalak jarraian egiten dira. Lehenengo atala egiteko 65 minutu izango dira. Bigarrenerako, 110 minutu. Guztira, proba idatziak 2 ordu eta 55 minutu iraungo du.
•3.-Ahozko proba. Honek ere bi atal ditu: entzutezko ulermena eta mintzamena.
◦Entzutezko ulermena: grabazio zati batzuk entzun eta horiei buruzko galderak erantzun behar dira.
◦Mintzamenak bi ariketa ditu: lehenengoa, gai baten ahozko azalpena; bigarrena, bat-bateko elkarrizketa saioa.

Urte berri on!!!

2010-12-31T20:37:00.000+01:00

30 film euskaraz

2010-12-26T12:52:00.005+01:00

Abenduaren 15etik urtarrilaren 15era bitartean, 30 film euskaraz ikusteko aukera izango dugu eitb.com-ek eta Kultura Sailak elkarlanean abian jarritako ekimen honi esker.

Eguberri on, guztioi!!!

2010-12-23T12:21:00.000+01:00

Xabier Lete - Habanera

2010-12-19T09:05:00.000+01:00

Orain, joan denean, bazter guztietan inoiz baino ozenago entzuten dugu bere ahotsa...

Agur eta ohore

2010-12-04T20:20:00.014+01:00

Xabier Lete poeta, idazle eta abeslari handia hil egin da gaur.

Bere ibilbidea

Eta 2009ko apirilean Felix Zubiak egin zion elkarrizketa.

SINISTEN DUT

Gipuzkeraz edo bizkaieraz, beti euskaraz!!!

2010-12-04T19:05:00.003+01:00

Reala eta Athletic-en arteko derbiaren bezperetan, hara ze bideo polita topatu dugun!!